КРЕДИТ НАЛИЧНЫМИ В ВТБ С МИНИМАЛЬНОЙ ПРОЦЕНТНОЙ СТАВКОЙ ОТ 10,49%

Изображение новости:
“Best model of Azerbaijan-2010” müsabiqəsinin qalibləri Günay Musayeva və Azər Ağakişiyev dekabrın 11-də Azərbaycanı “Best model of the world” müsabiqəsində təmsil edəcəklər.

Yarışmaya sayılı günlər qalmasına baxmayaraq, nəticələr ətrafında dedi-qodular və qalmaqallar davam edir.

Lent.az-ın məlumatına görə, yarışmanın qalibləri və prezidentləri teleproqramların birində iştirak ediblər, prezidentlərdən biri - Validə Abbasova müsabiqənin şəffaf olmadığını iddia edib. Bu vaxt Aygün Kazımova canlı yayıma bağlanıb və Validə Abbasovaya 2002-ci ildə özünün iştirakçı olduğu dövrdə qalib olmaq üçün 15 min manat pul təklif etməsini, lakin münsiflər heyətinin bu təklifi rədd etməsini xatırladıb: “Validə, 2002-ci ildə səni birinci seçmədiyimiz üçün zəng etdiyin və mən 15 min manat vermişdim, deyərək hay-küy qoparmağın yadındadır?! İndi sən bizə obyektivliyi öyrədirsən? Bizim favoritimiz Günay idi, onu da seçdik! Artıq söz deməyə ehtiyac yoxdur!”

Proqramdakı çəkişmələrdən sonra Anar Ağakişiyev Lent.az-a açıqlama verib: “ANS-də bizi verilişə çağırdılar. Bu qadın (Validə Abbasovanı nəzərdə tutur – N.) qəfildən hardansa çıxdı. Çox təəssüflə deyirəm ki, qırx yaşında xanım, azərbaycanlı olmasına baxmayaraq, ağzını açıb azərbaycanca bir kəlmə danışa bilmədi. Mənim 26 yaşım var, 12 ilimi Gürcüstanda təhsil almaqla, gürcü dilində keçirmişəm. Mən Azərbaycan dilində danışıram. Bu xanımın familiyası “Abbasova” olsa da, azərbaycanca danışmır...

Ağakişiyev Validənin mətbuatda sifarişli yazılar yazdırdığını iddia edib: “Hər şeydən əvvəl, Lent.az-a , Vesti.az-a, APA-ya təşəkkür edirəm. Obyektivliyi qorudular. O qadın isə pulsuz, rüşvətsiz addım atmayan, pula dostluğa işləyən jurnalistlərə sifarişli yazılar yazdırır. Aygün xanım proqramda çox gözəl sözlər işlətdi və dedi, “Miss Azərbaycan”da iştirak edəndə 15 min pul üstündə dava etdin, bura bazar deyil. Mənim və digərlərinin favoriti bu qızdır. Hansısa əyriayaq birinci yerə çıxası deyildi ki?!”

Qalib Günay Musayeva isə məsul şəxslərin fikrindən və ədalətli səsvermədən sonra artıq deyəcək bir sözü olmadığını və həmişəki kimi öz karyera yolunda uğurlu nəticəyə hazırlaşdığını əlavə edib.

Nəzrin